«Халық сөзі» газеті 25 қарашада Тұңғыш Президент күні мен Тәуелсіздік мерекелеріне орай журналистер арасында шағын футболдан турнир өткізгені белгілі. Осынау игілікті шараға ұйытқы болған газет ұжымына әріптестерімізден алғыс-тілектер келе бастады. «Астана» журналының бас редакторы Мақсат Тәж-Мұраттан келген алғыс хатта: «Халық сөзі» газеті өткізген шағын футбол турниріне «Астана» журналы ұжымы командасының қатысуына мүмкіндік бергеніңіз үшін алғыс айтамыз. Газеттің бастамашылдығы одан әрі жалғаса беретіндігіне және екі басылымның арасында әріптестік қарым-қатынас нығая түсетініне сенеміз» делінген.    «Халық сөзі» газетінің ұжымы да турнирімізге рухани әрі ақпараттық демеу білдіргені үшін «Астана» журналындағы әріптестеріне алғыс айтады.